Ուեֆայի ազգերի լիգայի Ցե դիվիզիոնի երկրորդ խմբում Հայաստանի հավաքականը Մակեդոնիայի հետ վերջին ծողում հաղթելուց հետո զբաղեցրեց առաջին հորիզոնականը: Սա նշանակում է, որ մեր հավաքականը հաջորդ տարի պետք է խաղա Ազգերի լիգայի Բե դիվիզիոնում:
Ասել է թե՝ մեր հավաքականը բավականին էական առաջընթաց ունի: Առաջին տեղը զբաղեցնելով՝ հայկական հավաքականը հավանական շանսեր ունի մասնակցելու 2022 թվականի աշխարհի առաջնությանը: Զոհրաբ Եգանյանն այս առիթով իր սոցհարթակում գրում է.
«Շնորհակալ եմ Աստծուց, որ ազգիս համար այս ծանրագույն պահին մի ուրախություն, մի լուսավոր դուռ բացեց մեզ համար: Հայաստանի ֆուտբոլի ազգային թիմն արեց դա, Ազգերի լիգայի խմբային խաղերում մերոնք պատմական արդյունք գրանցեցին, 1-ին տեղ գրավեցին ու շարունակելու են պայքարը: Սա երազանք էր, որն իրականացավ:
Կեցցեն տղաները, կեցցեն մարզիչները, կեցցեն բոլորը: Ձեր ցավը տանեմ հզոր տղեք: Մարդ չի կարող աչքերը չլցնել… ազգի վիշտը մի քիչ թեթևացավ, մի քիչ ժպիտ եկավ, մի քիչ ցրվեցինք»: