Դեռ երեկվանից լրատվական միջոցներն իրազեկվել են այն մասին, որ Ռիտա Սարգսյանի ֆիզիկական վիճակը կտրուկ վատացել է, նրան անմիջապես փոխադրել են հիվանդանոցային կենտրոն, որտեղ էլ բժիշկների կողմից վիճակը բնորոշվել է որպես ծայրահեղ ծանր:
Հայտնի է, որ երրորդ նախագահի տիկինը գտնվել է կոմայի մեջ է եղել, բժիշկների ջանքերի շնորհիվ Ռ. Սարգսյանին հնարավոր է եղել բերել կայուն վիճակի, որից հետո էլ հարազատների նախաձեռնությամբ նրան փոխադրել են արտերկրյա հիվանդանոց:
Այսօր Երրորդ նախագահի պաշտոնական սոցհարթակում որոշակի տեղեկություն է հանրայնացվել այն մասին, որ Ռ. Սարգսյանի առողջական վիճակի կտրուկ վատթարացման պատճառ է եղել համավարակային հիվանդությունը, սակայն, փառք Աստծո, հնարավոր է եղել նրա վիճակը որոշակի կայունացման բերել, որը, սակայն, դեռևս շարունակում է մտահոգիչ համարվել:
Հանրայնացված հրապարակման մեջ Ս. Սարգսյանի անունից շնորհակալություն է հայտնվում այն բոլոր մտահոգ հեռախոսազանգերի համար, որոնք ստացել է նախկին նախագահի գրասենյակը այս օրերի ընթացքում: