Վահե Բաղինյանն իր սոցհարթակում գրում է. «Երբ իմացա, էսօր էլ լսեցի Աննա Հակոբյանին գեներալի դիտողության արդյունքում Փաշինյանի ամբիցիոս պահվածքի մասին, մի դրվագ հիշեցի նախագահ Աբրահամ Լինքոլնի կյանքից:
Երբ Ամերիկայի քաղաքացիական պատերազմի ժամանակ Հյուսիսը անհաջողություններ է կրում, Լինքոլնը նոր գեներալ է նշանակում: Մյուս օրը երեկոյան իր օգնականի հետ ոտքով քայլում է գեներալի տուն՝ քննարկելու համար հետագա անելիքները: Դռան մոտ նրանց գեներալի ծառան է դիմավորում ու ներս չի թողնում: Քիչ հետո ծառան վերադառնում է ու ասում.
-Գեներալն ասաց, որ այս պահին ընթրում է: Սպասեք, կվերջացնի, նոր կընդունի ձեզ:
Լինքոլնի օգնականը բացականչում է՝ ինչպիսի՜ անպատկառություն, ինչպիսի՜ անամոթություն, որին անմիջապես հետևում է Լինքոլնի պատասխանը.
-Հանգստացի՛ր, Ռոբերտ, ես պատրաստ եմ ամեն անգամ նրա ձիու սանձը բռնել, երբ նա ձի է հեծնում, միայն թե թող հաղթի այս պատերազմը»:
