ՀԽՍՀ ժողովրդական ինքնատիպ արտիստ Կարպ Խաչվանքյանն արդեն քսաներկու տարի է, ինչ մեզ հետ չէ: Նա ծնունդով Ախալցխայից էր, սովորել է Թիֆլիսի դերասանական դպրոցում:
Կարպ Խաչվանքյանն իր ներկայությամբ յուրօրինակություն ու առանձնակի շուք էր հաղորդում հայկական մշակութային դաշտին: Կ. Խաչվանքյանը նույնիսկ կյանքի վերջին տարիներին իր ներկայությամբ, խոսքով, գործունեությամբ նպաստում էր մշակութային դաշտի զարգացմանը:
Բազմաթիվ են Կ. Խաչվանքյանի կերտած դերակատարումները. դրանք աչքի են ընկում մեծ վարպետությամբ ու տիպականությամբ: Նրա մասնակցությամբ ներկայացումները մշտապես անցնում էին լեփ-լեցուն դահլիճներով:
Կարպ Խաչվանքյանը հաջողությամբ հանդես էր գալիս ոչ միայն թատերական ներկայացումներում, այլ նաև ֆիլմերում: Նա իրավացիորեն համարվում է հայ բեմի ամենաճանաչված ու լավագույն կատակերգակներից մեկը:
Գործընկերներն առանձնակի պատկառանքով են հիշում իրենց տաղանդավոր ընկերոջ ընդգծված կրակոտ խաղաոճը և միևնույն ժամանակ համեստությունն ու վարպետությունը: Կ. Խաչվանքյանի հետ խաղալը մեծ պատասխանատվություն ու իրադարձություն էր նրա խաղընկերների համար:
