Տիգրան Ասատրյանը կոչով դիմել է բոլոր հայերին. տեսանյութ


Երգիչ Տիգրան Ասատրյանը տեսաուղերձով դիմել է բոլոր հայերին: Նա նախ իր խորին ցավակցությունն է հայտնել բոլոր հերոսացած ու անմահացած տղաների ծնողներին՝ նշելով, որ ինքը մեծ ցավ է ապրել բոլոր նահատակված տղաների համար:

Նա նախ պատմում է, որ իրենք մեծ ոգևորությմաբ փորձում էին անհրաժեշտ աջակցությունն ուղարկել հայրենիքին, իսկ նոյեմբերի տասին ցավով տեղեկացան բոլորին հայտնի տխրահռչակ համաձայնագրի մասին:

Նշելով, որ ինքը չի ցանկանում մտնել քաղաքական դաշտ, քանի որ դա իր տիրույթը չէ՝ Տ. Ասատրյանը խնդրում է բոլորին անել իրենց հնարավորությունների սահմանում ամեն ինչ, հնարավորն ու անհնարը՝ մեր գերեվարված տղաներին հետ վերադարձնելու համար:

Տ. Ասատրյանը նաև տեղեկացնում է, որ հայ զինվորին նվիրված նոր երգ է տեղադրել յութուբում: Այնտեղ կա նաև գովազդային դրվագ, ինչի շնորհիվ էլ երգի տեսահոլովակի բավականին նշանակալից հասույթ կհավաքվի, որն էլ անժամկետ ուղղվելու է հայ զինծառայողների աջակցման ֆոնդին:

Понравилась статья? Поделиться с друзьями:
error: Content is protected !!