Քանի որ նոյեմբերի երեսունին իրականացվելու է Լաչինի ու Բերձորի հետ կապված պայմանավորվածությունը, որը նախանշված է եղել համաձայնագրով, ուստի արցախյան զորամասերի զինվորականների ծնողները լրջորեն անհանգիստ են:
Նրանք ունեն լուրջ մտավախություն, որ հնարավոր է արդյունքում իրենց տղաները հայտնվել ռազմագերու կարգավիճակում: Ուստի նրանք որոշակի պահանջ են ձևակերպել՝ հավաքվելով կառավարական շենքի մոտ՝ բարձրաձայնելու այն:
Իսկ պահանջը հստակ է. նրանք պահանջում են, որ իրենց տղաները դուրս բերվեն Արցախից մինչև դեկտեմբերի մեկը, իրենց ծառայությունը շարունակեն Հայաստանում: Ծնողներից մեկը պատմում է, որ իր տղան մարտերի ժամանակ վիրավորում է ստացել, միառժամանակ բուժում է ստացել և վերադարձել է Արցախ:
Խոնարհվելով բոլոր զոհվածների հիշատակի առաջ՝ ծնողները խնդրում են, որ իրենց միանան այլ քաղաքացիներ, որ միահամուռ ջանքերով կարողանան իրենց պահանջը տեղ հասցենեն և արդյունք ունենան, այլապես նրանք պատրաստվում են գնալ նույնիսկ հացադուլի: Մանրամասները՝ կից ներկայացված տեսանյութում:
