Ինչպես հայտնի է, Դաշնակցության ներկայացուցիչ Ա. Մինասյանը հայտնել է, որ վաղն իրենք պատրաստվում են հանրայնացնել այն գործչի անունը, ում ներկայիս ընդդիմությունը մտադիր է առաջադրել ապագա վարչապետի պաշտոնում:
Այս առիթով Լյովա Եղիազարյանն ունի իր սեփական կանխատեսումները, որոնք բխում են նրա փարձառությունից: Նա այսպիսի հրապարակում է արել. «Քաղաքական պայքարի իմ բազմամյա փորձը հուշում է, որ վաղը ընդդիմությունը որպես վարչապետի թեկնածու կառաջադրի քաղաքական մեծագույն ավանտյուրիստ Վազգեն Մանուկյանին:
Հիշում եմ, թե նա ինչ հրեշավոր ծրագրեր էր նախատեսել 1996 թվականին նախագահ դառնալու համար: Նրան 96-ին պաշտպանում էին դաշնակցությունը, ՍԻՄ-ը, ԱԻՄԸ և այլ կուսակցություններ: Նա եղածների մեջ ամենաանկանխատեսելին է ու ամենավտանգավորը: Մի կարևոր հաշվարկ չեն արել՝ նրա անվերապահ նվիրումը ռևանշիզմին, որը ժողովուրդը մերժել է:
Այնպես որ Վազգեն-վարչապետ վանկարկումը հաջորդ միտինգին կհնչի որպես դատարկ դհոլի արձագանք»,- իր կանխատեսումներն արտահայտող հրապարակումն ավարտել է Լյովա Եղիազարյանը:
