Այս դժվարին օրերին մեր առաջնահերթ և գլխավոր ուշադրության կենտրոնում մերօրյա հերոսներն են, ովքեր ժամանակին չխնայելով ոչինչ՝ արել են ամեն ինչ մեր ապահով կյանքի շարունակության համար: Մերօրյա հերոսներից շատերը, ցավոք, բռնել են անմահության ուղին:
Շատերը տուն են վերադարձել՝ վաստակած հանգստի, իսկ շատերն էլ դեռևս վերականգնողական բուժում են ընդունում հիվանդանոցներում: Մերօրյա հերոսներից է նաև Ֆահրադյան Ռազմիկը, ով արցախյան պшտերшզմի հենց սկզբից առանց վարանելու որոշել է մեկնել ճակատ:
Ռազմիկը ծնունդով Արմավիրի մարզի Տանձուտ համայնքից է: Նա ժամանակին մասնակցել է նաև Ապրիլյան քառօրյային: Արցախյան վերջին պատերազմում նա մարտնչել է Ջաբրաիլի դիրքերում:
Ռազմիկը, ցավոք, վիրավորում է ստացել, ինչի պատճառով կորցրել է ձեռքի աշխատունակությունը, լսողությունը և ձախ աչքի տեսողությունը: Ռազմիկին և վերականգնողական բուժում ստացող մեր բոլոր հերոս տղաներին շուտափույթ, արագ և լիարժեք ապաքինում մաղթենք՝ ցանկանալով խաղաղ օրեր բոլորին:
