Հայկ Սարգսյանը նոր երգ է ներկայացրել, որը նվիրված է մեր բոլոր զինվորներին, մասնավորապես նրանց, որոնց դեռ սպասում են իրենց տանը: Երգը սկսվում է փոքրիկ աղջնակի ասմունք-կատարմամբ: Աղջնակը հիշեցնում է զինվոր եղբոր գալու խոստումը և վստահություն է հայտնում, որ նա պիտի գա հաստատ:
Երգում հիշատակվում է նվիրյալ հայորդիների անուրանալի գործը, գնահատվում և արժևորվում այն: Երգի խոսքերը հեղինակել է Հայկ Սարգսյանը: Երգը հնչում է հոլովակի ուղեկցությամբ, որտեղ կադրերով պատկերված են անմահացած մեր հերոս տղաների լուսանկարները:
Անմահացած մեր հերոսները այնքան հարազատ ու սիրելի են դարձել բոլորի համար, քանի որ նրանց կորուստը մեծ ցավ ու վիշտ է ոչ միայն իրենց մտերիմների համար, այլ ողջ ժողովրդի, քանի որ նրանք իրենց ամենաթանկը՝ կյանքը տվել են հենց այդ ժողովրդի ապահովությունը պաշտպանելու համար:
Հայկ Սարգսյանի անչափ հուզիչ երգը կարող եք ունկնդրել ստորև կցված նյութի մեջ:
